AO Trauma Armenia-ն AO Trauma Europe and South Africa ստորաբաժանումն է Հայաստանում։ Գրասենյակի պատմությունը սկիզբ է առել 2016թ. Նոյեմբերին, երբ Անդրեյ Վոլնայի գլխավորությամբ կազմակերպվեց և հաջողությամբ անցկացվեց առաջին միջոցառումը։ Նա համարվում է Հայաստանում AO Trauma «կնքահայրը»։ Հաջորդ հիշարժան միջոցառումը՝ AO Trauma Basic Course, անցկացվեց 2018թ. Նոյեմբերին: AO Trauma Armenia մշտական անդամակիցների քանակը հասավ 25-ի։ COVID-19-ը և 44-օրյա պատերազմը հարկադրաբար դադարեցրին մեր գործունեությունը։ 2021թ. անցկացվեց ստորին վերջույթների վնասվածքների սեմինար, 2022թ.՝ վերին վերջույթի խորացված սեմինար, իսկ 2023թ.՝ ծնկահոդի շուրջ վնասվածքների վերաբերյալ սեմինար։ AO Trauma Armenia-ն 2024թ. պլանավորում է անցկացնել AO Trauma սեմինար ոտնաթաթի և սրունքթաթային հոդի վերաբերյալ։ Մասնակիցները պարգևատրվում են ՇՄԶ կրեդիտներով։ 2025 և 2026թթ. համար պլանավորվում են սեմինարներ աշխարհահռչակ մասնագետների ներգրավմամբ։